|
Im Winzer in Mussbach, des is doch klor, hot gfeiert die Walker-Grupp’ vom SCS wie jedes Johr.
Der neie Woi, des muss mer sage, losst Stimmung aufkumme, des ist kaum zu glawe. Des beschte awer war die Hämfahrt. Do hot doch unsern liewe Klaus, In Neustadt- Böbig vergesse, dass er muss raus.
Alle Annere waren zum Umsteige ausgestigge. Es hot nix genitzt, dass soi Fraa hot gekloppt an die Scheib, er ist gebliwwe im Abteil vun luschdische Leit.
Awer, wie des so is im Lewe, er ist kumme mit em negschte Zug vun Neistadt zu de Rhoiebne.
Des war e Geläschter bis häm nach Schiwwerstadt, awer soi Conny war froh, dass sen hot widder ghat.
Mer fren uns schun widder uff die negscht Tour, egal wu hie, die Hauptsach s’gibt Esse und Trinke und Spass dezu.
Marianne Schöneich 
| 
